Oxu.az
Bəzi media orqanlarında "Mingəçevir" futbol klubu baş məşqçisi Füzuli Məmmədovla yolları ayıracağı ilə bağlı xəbərlər yayılmışdı.
Oxu.Az xəbər verir ki, "İşıqçılar"ın Mətbuat Xidməti məsələ ilə bağlı rəsmi bəyanat yayıb:
"Son günlər komandamızın baş məşqçisi Füzuli Məmmədovun postunu tərk edəcəyi ilə bağlı həqiqəti əks etdirməyən məlumatlar yayılıb. "Mingəçevir" olaraq bəyan edirik ki, klub bu ilin yanvarında 3 illik müqaviləyə imza atan çalışdırıcının fəaliyyətindən məmnundur və onunla əməkdaşlığı davam etdirməkdə maraqlıdır".
