Idman.biz
"Övladlarım hansı sahədə seçirlərsə, onlara dəstək olmağa çalışıram. Yadınızdadırsa, Alişka (Əli Ağalarov – müəllif) nə vaxtsa musiqi ilə məşğul olurdu. Biz isə onun musiqi yaradıcılığı ilə çox maraqlandıq. Əminə isə bir il yarım-iki il əvvəl kikboksinq və taekvondo ilə maraqlanmağa başlayıb. Düşünürəm ki, o, həqiqətən də bundan həzz alır, bu, stresdən azad olmağa kömək edir. Ümumiyyətlə, idman bir intizamdır, çox faydalıdır".
İdman.biz xəbər verir ki, bunu bunu kunq-fu üzrə dünya çempionatında qızıl medal qazanmış Əminə Əliyevanın atası, Xalq artisti Emin Ağalarov deyib.
O, Əminənin uğuruna gedən yolunu şərh edib: "Əminə bir neçə ay əvvəl təlim-məşq toplanışlarının olacağını və beynəlxalq yarışlarda iştirak etmək istədiyini demişdi. İlk reaksiyam belə oldu: bəlkə yox. Axı o, qızdır, mən özüm boksla məşğul olmuşam və bunun nə qədər travmatik olduğunu başa düşürəm. Amma o, bunu çox bəyəndiyini və özünü sınamaq istədiyini söylədi. Cavab verdim ki, əgər qərar verərsə, xahiş edirəm, amma başa düşməlidir ki, bu, ciddi məşqdir və bu, o demək deyil ki, sən gedib medallar qazanacaqsan. Son bir neçə aydır ki, peşəkar məşqçi ilə gündə iki dəfə 2-3 saat hazırlıq keçir. O, Türkiyədə təlim-məşq toplanışına gedib, sonra buraya qayıdıb, məşqlərini davam etdirib və ondan sonra çempionata yollanıb".
Ağalarov qızının Olimpia çempionu olmaq arzusuna da münasibət bildirib: "Olimpiya Oyunlarına getmək üçün bütün təsnifat mərhələlərini keçməli və bir çox tələbləri yerinə yetirməlisən. Təbii ki, bu yarışa yollanmaqda biletlərin alınmasında və səfərin təşkilində köməklik etdik. Ancaq bu, məşqçisi tərəfindən dəstəklənən tamamilə onun təşəbbüsü idi. Məşqçisi ona rəhbərlik edirdi və bu, tamamilə onun qərarı idi. O, ümumi əsasda qalib gəldi, bu məni xüsusilə sevindirdi".
İdman.biz
