Report.az
Bir müddət əvvəl zədə səbəbindən əməliyyat olunan Azərbaycan qılıncoynadanı Anna Başta son durumunu dəyərləndirib.
Sablya millimizin üzvü bu barədə "Report"a açıqlama verib.
Ayağından əməliyyat olunan idmançı hazırda özünü yaxşı hiss etdiyini bildirib:
"Əməliyyat uğurlu keçdi. Əməliyyatdan sonra bir neçə gün ağrılar oldu. Daha az hərəkət edirdim. Hətta mənim kimi pozitiv insan üçün belə bu dönəm bir qədər çətin keçdi. Lakin öhdəsindən gəldim. Deyə bilərəm ki, çətin günlər geridə qaldı. Hazırda özümü yaxşı hiss edirəm. Gəzməyə başlayandan sonra reabilitasiya prosesinə start veriləcək. Reabilitasiya nə qədər uğurlu keçsə, bir o qədər tez məşqlərə başlaya biləcəyəm. Qarşıdakı 2-3 ay bu baxımdan çox əhəmiyyətli olacaq".
Qeyd edək ki, 28 yaşlı sablyaçı Avropa çempionu (2022), dünya birinciliyinin (2022) gümüş medalçısıdır.
