Oxu.az
Türkiyə çempionatının 3-cü liqasında çıxış edən "Denizlispor" klubu rəsmi sosial media hesabından dünya şöhrətli futbolçu Lionel Messinin komandaya transfer olunduğunu elan edib.
"Ailəmizə xoş gəldin, Messi! Transfer qadağası qaldırılan kimi "Denizlispor" olaraq gənc istedad Messi ilə 1 günlük müqavilə imzaladıq!", - deyə klubdan bildirilib.
Oxu.Az xəbər verir ki, Messinin "Denizlispor" forması geyinmiş şəklinin də yer aldığı paylaşımda Argentina futbolçusunun açıqlaması da yer alır:
"Denizlispor"la razılaşdığım üçün çox xoşbəxtəm. Çərşənbə günü komandamızın liqada qalmaq uğrunda çox kritik görüşü var. Saat 14:00-da hər kəsi Denizli Atatürk Stadionuna dəvət edirəm. "Ağrı 1970" ilə matçda birlikdə olaq".
Sosial mediada geniş yayılan bu paylaşıma çoxsaylı istifadəçi şərh yazıb.
Klubun mətbuat katibi Yusuf Kaan Çakır çətin günlər keçirən "Denizlispor" ictimaiyyətini 1 aprel zarafatı ilə güldürmək istədiklərini bildirib: "Bu böyük klub yenə özünün əzəmətli günlərinə qayıdacaq. Bunun üçün mübarizəmizi davam etdiririk", - o qeyd edib.
Ailemize hoş geldin, Messi!
— Denizlispor (@Denizlispor) April 1, 2025
Transfer yasağını kaldırır kaldırmaz, Denizlispor olarak genç yetenek Messi ile 1 günlük sözleşme imzaladık! pic.twitter.com/FcbNU5S0EZ
