2025-ci ildə milli çempionatlarda ən çox qol vuran futbolçuların adları açıqlanıb.
Oxu.Az xəbər verir ki, Beynəlxalq Futbol Tarixi və Statistikaları Federasiyası (IFFHS) ilin ilk üç ayının bombardirlərini açıqlayıb.
Siyahıya Mohanad Ali başçılıq edir. İraqlı hücumçu "Aş Şorta"da 15 qol vurub.
Braziliyalı Markos Leonardo ikincidir. O, "Əl-Hilal"da 14 dəfə fərqlənib.
Avropanın ən yaxşısı Usman Dembele cədvəldə 3-cüdür. Fransalı vinger PSJ-də 13 qola sevinib.
Qeyd edək ki, IFFHS-in cədvəlində 9 və daha çox qol vuran 30 futbolçu yer alıb.