top
Bakı Marafonu 2026 başladı: 25 min iştirakçı qələbə uğrunda mübarizəyə qoşuldu Lent.az
03 may 2026, 11:05
- ↺ +

"Bakı Marafonu 2026" başladı: 25 min iştirakçı qələbə uğrunda mübarizəyə qoşuldu

25 min iştirakçı 42 km-lik marafonda qələbə uğrunda mübarizəyə qoşulub

Bu gün Heydər Əliyev Fondunun təşəbbüsü ilə "Bakı Marafonu 2026" təşkil edilib. İlk dəfə olaraq 21 kilometrlik məsafədə deyil, tam 42 kilometrlik marşrutda keçirilən marafona 25 min iştirakçı qatılıb.

Lent.az APA-ya istinadən xəbər verir ki, doqquzuncu dəfədir təşkil olunan Bakı Marafonu idmanın inkişafına dəstək göstərmək, sağlam həyat tərzini təbliğ etmək məqsədi daşıyır.

Marafona tanınmış ictimai-siyasi, incəsənət xadimləri, ziyalılar da qoşulub. Azərbaycan vətəndaşları ilə yanaşı, ABŞ, Almaniya, Boyük Britaniya, Gürcüstan, Rusiya, Türkiyə, Ukrayna, Qazaxıstan, Qırğızıstan, Özbəkistan, Çin və digər ölkə vətəndaşları da qələbə uğrunda yarışıblar.
Hər dəfə olduğu kimi, builki yarışda da fiziki imkanları məhdud, eləcə də Daun sindromlu şəxslər də iştirak edib.
Builki marafon yeniliklərlə yadda qalıb. "Bakı Marafonu 2026" əvvəlkilərdən həm məsafə, həm də marşrutu baxımından fərqlənib.

Marafon ötən illərdə olduğu kimi Dövlət Bayrağı Meydanından start götürsə də, bu dəfə finiş xətti daha iddialı olub – marşrut Sea Breeze ərazisinə qədər uzanıb.

Finiş nöqtəsindən əlavə marşrut üzrə 10 km və 21 km aralıq finiş nöqtələri də müəyyən edilib: 10 km məsafənin finişi Yusif Səfərov küçəsində yerləşən "Sevgi" parkında, 21 km isə Böyükşor gölünü keçdikdən sonrakı ərazidə olub.

Bakı Marafonunun marşrutu:

Dövlət Bayrağı Meydanı → Dənizkənarı Bulvar → Bakı Dəniz Vağzalı → Neftçilər prospekti → Bakı Ağ Şəhər Bulvarı → 8 Noyabr prospekti → Yusif Səfərov küçəsi → Sevgi Parkı → Heydər Əliyev prospekti → Baku Arena → Böyük İpək Yolu küçəsi → Müzəffər Nərimanov küçəsi → Ziya Bünyadov prospekti → Böyükşor küçəsi → Böyükşor körpüsü → Balaxanı dairəsi → Böyükşor–Pirşağı yolu → Bakı Dairəvi Yolu (Bilgəh–Pirşağı şosesi) → Sea Breeze

"Bakı Marafonu 2026"-nın daha bir özəlliyi əyləncənin miqyasında hiss olunub. Təşkilatçılar yarışın iştirakçı və tamaşaçılarında həm də gözəl əhval-ruhiyyə yaratmağa çalışıb. Start nöqtəsində Xəzər dənizində Azərbaycan Su İdmanı növləri Federasiyası tərəfindən yelkənli qayıqların nümayişi təşkil olunub, start xəttinin üzərindən paraplan keçib, çəlpələnglər uçurdulub.

Dövlət Bayrağı Meydanında əyləncə fəaliyyətləri, atletlər üçün isinmə zonası, gün ərzində müxtəlif idman federasiyalarının təşəbbüsü ilə kiçik miqyaslı idman oyunları (voleybol, basketbol, qolf, kapuero, badminton) təşkil edilib. Böyük səhnədə səhər saatlarından axşamadək sevilən sənətçilərin iştirakı ilə konsert proqramı təqdim olunub.

"Qaçmasan da əyləncəni qaçırtma" şüarı ilə təşkil edilən konsertdə məşhur müğənnilər, musiqi qruplarının ifaları səslənib. Marafonun əhatə edəcəyi marşrut boyunca iştirakçıları ruhlandırmaq üçün müxtəlif motivasiya və əyləncə zonaları, DJ çıxışları, həmçinin su, qida və ilk tibbi yardım məntəqələri qarşılayıb.

Marafonun finiş nöqtəsində də səhər saatlarından etibarən idmançılara və ziyarətçilərə əyləncə və konsert proqramı təqdim edilib.
Finiş nöqtəsi olan Sea Breeze-də Bakı Marafonunun mükafatlandırma mərasimi də keçirilib.
42 kilometr məsafəni qət edən ilk 3 yerin kişi və qadın qaliblərinin hər biri sertifikat və pul mükafatları ilə təltif olunub.
1-ci yer sahibinə 6 000 AZN, 2-ci yerin qalibinə 4 000 AZN, finişə 3-cü çatan iştirakçıya isə 2 000 AZN pul mükafatı təqdim edilib.

Bundan əlavə, 42 km məsafəni tamamlayan bütün iştirakçılara medallar verilib. Daha qısa məsafə üzrə də mükafatlar təqdim edilib. 21 km yarımarafon məsafəni qət edən ilk 2000 iştirakçı medal, 10 km məsafəni tamamlayanlar isə sertifikatlarla təltif olunub.

Bundan başqa, finişə ilk çatan qız və oğlan tələbə, finiş xəttini keçən ilk korporativ qadın və kişi iştirakçı, finiş xəttini keçən ilk ən yaşlı qadın və kişi iştirakçılar mükafatlandırılıb.

Start zonasında olanlar da qaliblərin finişə çatması və mükafatlandırılma mərasimini canlı bağlantılar vasitəsilə izləyə bilib.
"Bakı Marafonu 2026" "Azercell Telecom" MMC-nin eksklüziv sponsorluğu, Gənclər və İdman Nazirliyi, Elm və Təhsil Nazirliyi, Rəqəmsal İnkişaf və Nəqliyyat Nazirliyi, "Regional İnkişaf" İctimai Birliyi, Dənizkənarı Bulvar İdarəsi, Bakı Şəhər Halqası, TAN-ın(Turkic Alliance of Long Runs) tərəfdaşlığı, Sea Breeze, SOCAR, PASHA Holding-in baş sponsorluğu, Nazar Holdings, BI Group, Azərlotereya, Xırdalan 0.0, Go Sport, Badamlı, Liv Bona Dea-nın sponsorluğu, McDonalds-ın dəstəyi ilə təşkil olunub. Marafonun əyləncə proqramının media tərəfdaşı Xəzər TV, Araz FM, Xəzər FM və Azərbaycan Televiziyası – AzTV-dır.

 

***

10:20

Paytaxtda Heydər Əliyev Fondunun təşəbbüsü ilə təşkil olunan "Bakı Marafonu 2026"ya start verilib.

Lent.az xəbər verir ki, marafonda Azərbaycan vətəndaşları ilə yanaşı, ABŞ, Almaniya, Böyük Britaniya, Çin, Gürcüstan, Qazaxıstan, Qırğızıstan, Özbəkistan, Rusiya, Türkiyə, Ukrayna və digər ölkə vətəndaşları da qələbə uğrunda yarışırlar.

Hər dəfə olduğu kimi, builki yarışda da fiziki imkanları məhdud, eləcə də Daun sindromlu şəxslər də iştirak edir. Marafona səhər saat 10-da start verilsə də, saat 7-dən etibarən Dövlət Bayrağı Meydanında yarış əhvali-ruhiyyəsi yaşanıb. Burada təşkil olunan atletlər zonasında iştirakçılar üçün yarışdan əvvəl yoqa, isinmə məşqləri keçirilib, "fan zona"da DJ-lər, müxtəlif əyləncə və interaktiv oyunlar təşkil edilib.

Sayca doqquzuncu dəfə keçirilən "Bakı Marafonu" ilk dəfə 42 kilometr tam məsafədə təşkil olunur. Yarış Dövlət Bayrağı Meydanından start götürüb. İştirakçılar müəyyən edilmiş marşrut üzrə "Sea Breeze" ərazisində finiş xəttinə çatacaqlar.


***

10:08

Bir qədər sonra paytaxtda Heydər Əliyev Fondunun təşəbbüsü ilə təşkil olunan "Bakı Marafonu 2026"ya start veriləcək.

Lent.az xəbər verir ki, marafonda Azərbaycan vətəndaşları ilə yanaşı, ABŞ, Almaniya, Böyük Britaniya, Çin, Gürcüstan, Qazaxıstan, Qırğızıstan, Özbəkistan, Rusiya, Türkiyə, Ukrayna və digər ölkə vətəndaşları da qələbə uğrunda yarışır.

Hər dəfə olduğu kimi, builki yarışda da fiziki imkanları məhdud, eləcə də Daun sindromlu şəxslər də iştirak edir. Marafona səhər saat 10-da start verilsə də, saat 7-dən etibarən Bayraq Meydanında artıq yarış əhvali-ruhiyyəsi yaşanıb. Burada təşkil olunan atletlər zonasında iştirakçılar üçün yarışdan əvvəl yoqa, isinmə məşqləri keçirilib, "fan zona"da DJ-lər, müxtəlif əyləncə və interaktiv oyunlar təşkil edilib.

Sayca doqquzuncu dəfə keçirilən "Bakı Marafonu" ilk dəfə 42 kilometr tam məsafədə təşkil olunur. Yarış Dövlət Bayrağı Meydanından start götürüb və iştirakçılar müəyyən edilmiş marşrut üzrə "Sea Breeze" ərazisində finiş xəttinə çatacaqlar.

Birev — ev elanları, mənzil, həyət evi, torpaq, ofis | Daşınmaz əmlak platforması
Qarabağ FK

Son xəbərlər

Olimpiada
Bu gün, 14:52

Keniyalı marafonçu Peres Jepçirçir dopinq səbəbilə üç il diskvalifikasiya edildi

Güləş
Bu gün, 14:42

Azərbaycan Güləş Federasiyasında uşaqlar üçün ekskursiya təşkil olundu

Basketbol
Bu gün, 14:40

Vasiliadis: "Oyunçularımız sanki istirahətə gəlmişdilər"

Voleybol
Bu gün, 14:34

16 yaşadək voleybolçulardan ibarət Azərbaycan millisinin baş məşqçisi: "Avropa çempionatı təsnifatında rəqiblər güclüdür, amma ümidsiz deyilik"

Futbol
Bu gün, 14:30

FİFA prezidentliyi üçün 3 namizəd təsdiqləndi: İnfantino, Diallo və Taşima

Futbol
Bu gün, 14:29

Xosep Qvardiola Səudiyyə Ərəbistanı millisinin baş məşqçisi olmaqdan imtina etdi

Futbol
Bu gün, 14:20

PSJ kapitanı Markinyos müqavilə uzatmağı planlaşdırır

Cüdo
Bu gün, 14:07

Tahir Abdullayev: 2027-ci ilin sonuna qədər UFC reytinqinə düşməyi hədəfləyir

Futbol
Bu gün, 14:00

Rail Məlikov: AFFA uşaq futbolunun inkişafı və 15 yaşlılar arasında Dünya Çempionatının keçirilməsi üçün səylərini artırır

Futbol
Bu gün, 13:53

İtaliyanın Empoli futbol klubu Maui adlı iti rəsmi maskotu kimi müqavilə ilə ətrafa verərək təqdim etdi

Olimpiada
Bu gün, 13:49

Fərid Qayıbov Sven Albertlə Xüsusi Olimpiya hərəkatının inkişafı mövzusunda görüşdü

Futbol
Bu gün, 13:40

Milan klubunda icarədə olan Omar Hutchinson: “Arzum bu klubda qalmaqdır”

Futbol
Bu gün, 13:38

FIFA 2030 Dünya Çempionatında su fasilələri və reklam imkanları planlaşdırılır

Futbol
Bu gün, 13:36

Real Madrid Endriklə yollarını ayırmağa hazırdır

Futbol
Bu gün, 13:19

FIFA danışılmış oyunlar barədə anonim bildirişlər üçün xüsusi platforma yaratdı

Futbol
Bu gün, 13:08

Barselona yarımmüdafiəçisi Rodri zədə səbəbindən Sabaha qarşı matçı buraxacaq

Digər
Bu gün, 13:00

Nazir Fərid Qayıbov Bakıda 18 ölkənin iştirakı ilə keçirilən inklüziv badminton avropa yarışının açılışında iştirak edib

Minifutbol
Bu gün, 13:00

Fərid Babayev: 2026/2027 mövsümündə futzalda legioner limiti, U-19 liqası və komandaların sayının artırılması

Futbol
Bu gün, 12:53

Joan Qarsiya 80,6 Milyon Avro Transfer Dəyəri ilə Dünyanın Ən Yüksək Qapıçısı

Minifutbol
Bu gün, 12:20

Minifutbol: Azərbaycan milli komandası reytinqdə ikincidir

Futbol
Bu gün, 12:08

Şəfa stadionunda təmir işləri yekunlaşır, FIFA sertifikatı alınmış

Olimpiada
Bu gün, 12:01

Kenyan Olimpiya çempionu Peres Cepçirçir 3 il müddətinə dopingdan disqvalifikasiya edildi

Futbol
Bu gün, 12:00

Samir Abasov: Şahruddinin pley‑off şanslarını bilməməsi təbii haldır

Digər
Bu gün, 11:53

Yeni futsal mövsümünün loqosu təqdim edildi

Oxşar xəbərlər