Report.az
Bakı Atıcılıq Mərkəzində stend atıcılığı üzrə Federasiya Kuboku keçiriləcək.
Atıcılıq Federasiyasından "Report"a verilən məlumata görə, Azərbaycan və Özbəkistandan olan idmançıların qatıldığı yarışda gənclər (U-18 və U-21) və böyüklər qüvvələrini sınayacaqlar.
İyunun 17-dən 21-dək keçiriləcək turnirdə yaş kateqoriyaları üzrə 70-dən çox atıcı mübarizə aparacaq. İdmançılar stend atıcılığının dairəvi və səngər stendi növləri üzrə yalnız fərdi yarış formatında kubok uğrunda çıxış edəcəklər.
