Idman.biz
Bakı Atıcılıq Mərkəzi 2015-ci ildə Bakının Biləcəri qəsəbəsində inşa edilib.
İdman.biz xəbər verir ki, mərkəz həm yerli, həm də beynəlxalq yarışların keçirilməsi üçün mükəmməl infrastrukturla təchiz olunub.
Atıcılıq idman növlərinin inkişafına töhfə vermək məqsədilə fəaliyyət göstən mərkəz 123 min kvadratmetrdən çox ərazini əhatə edir. Bura güllə və stend atıcılığı üzrə ən yüksək standartlara cavab verən tirlərə sahibdir.
Avropanın ən böyük atıcılıq komplekslərindən biri olan mərkəzdə həm qapalı, həm də yarımqapalı atış sahələri mövcuddur – 10 metrdən 300 metrədək məsafəyə qədər tirlər eyni vaxtda onlarla idmançının məşq etməsinə şərait yaradır. Stend atıcılığı üçün isə 5 atış meydançası, 75 hədəftullayıcı və dairəvi atış qüllələri mövcuddur.
Mərkəz həm peşəkar idmançılar, həm də yeni başlayanlar üçün açıqdır. Burada müxtəlif səviyyələrdə kurslar, təlimlər və federasiya tərəfindən dəstəklənən layihələr təşkil olunur. Azərbaycan atıcılıq federasiyası ilə sıx əməkdaşlıq edən Bakı Atıcılıq Mərkəzi idmanın inkişafı üçün müxtəlif layihələr həyata keçirir.
İdman.biz
