2–4 may tarixlərində Bakıda Azersun Holding-in baş sponsorluğu ilə ikinci Beynəlxalq Ruhani və Bədən Praktikaları Festivalı — Nine Senses Fest 2025 keçiriləcək.
Festival, Heydər Əliyev Fondunun vitse-prezidenti, Nine Senses Art Center-in təsisçisi və Azərbaycan Yoqa Federasiyasının prezidenti Leyla Əliyevanın təşəbbüsü və dəstəyi ilə təşkil olunur.
Festival "Ənənədən orijinallığa" devizi altında keçiriləcək və dünyanın müxtəlif mədəniyyətləri ilə ruhani praktikalarını bir araya gətirəcək. Üç gün ərzində iştirakçılar yoqa və meditasiya seanslarında iştirak edə, şərq və slavyan təbabəti ilə tanış ola, sufi fəlsəfəsi, art-terapiya, sufi musiqisi və səs terapiyası, ekstazik rəqslər, neyroqrafika, qadın bədən praktikaları və digər sessiyalarda iştirak edə biləcəklər.
🎯 Festivalın missiyası — qədim biliklərlə müasir yanaşmalar arasında körpü quraraq insanın mənəvi və fiziki potensialının harmonik inkişafına töhfə verməkdir.
Bundan əlavə, festival çərçivəsində "Made in Azerbaijan" brendi ilə yerli istehsalçıların məhsullarını təqdim edəcəyi yarmarka təşkil olunacaq.
🎟 Festival üçün biletlər artıq satışdadır.
👉 Ətraflı məlumat və bilet almaq üçün keçid:
https://ninesenses.az/nsf25
