Report.az
Gənclər və İdman Nazirliyi Azərbaycan idmançılarının reytinq cədvəlini təqdim edib.
"Report" xəbər verir ki, bu barədə qurumun mətbuat xidməti məlumat yayıb.
Bildirilib ki, yanvarın 1-dən iyunun 30-dək idmançıların nəticələrinin nəzərə alındığı siyahıda yeni qiymətləndirmə meyarları reytinqin daha da mükəmməl olmasına kömək edib.
Birinci pillədə 330 xalla cüdoçu Zelim Tçkayev qərarlaşıb. Olimpiya çempionu Zelim Kotsoyev (320 xal) ikinci, digər cüdoçu Elcan Hacıyev (230 xal) üçüncü olub.
Növbəti sıralarda cüdoçular Rəşid Məmmədəliyev (210 xal), Uşanqi Kokauri (190 xal), idman gimnastı Nikita Simonov (165 xal), yunan-Roma güləşçisi Qurban Qurbanov (160 xal), sərbəst güləşçi Giorgi Meşvildişvili, yunan-Roma güləşçiləri Həsrət Cədərov və Nihat Məmmədli (hamısı 150 xal) yer alıblar.
Olimpiya çempionu, bu dəfə "10-luq"dan kənarda qalan Hidayət Heydərov ilin əvvəlində açıqlanmış reytinqdə ikinci sırada idi.
