Idman.biz
Azərbaycanı həndbol üzrə Avropa kuboku turnirində təmsil edəcək klublar müəyyənləşib.
İdman.biz xəbər verir ki, nüfuzlu yarışda iki kişi və iki qadın komandamız mübarizə aparacaq.
Kişi həndbolçular arasında sonuncu Azərbaycan çempionatının qalibi "Kür" və gümüş mükafatçı "Bakı" qitə yarışına qatılacaq. Avropa kuboku turnirində ilk mərhələdən azad olan təmsilçilərimiz mübarizəyə ikinci raunddan qoşulacaq. Ümumilikdə bu mərhələdə qitənin 55 komandası yarışacaq. İlk mərhələdən gələcək 9 klubdan sonra iştirakçılar mübarizəni 1/32 finaldan davam etdirəcəklər. İkinci raundun ilk oyunları oktyabrın 11-12-də, cavab matçları bir həftə sonra keçiriləcək.
Qadın həndbolçuların Avropa kuboku turnirində isə ölkəmizi Azərbaycan çempionu "Azəryol" və 3-cü yerin sahibi "Kür" təmsil edəcək. Bütün komandalar yarışa ikinci mərhələdən start verəcək. Burada 50 komanda yarışacaq. Reytinq xalı yüksək olan digər 7 klub isə turnirdə 3-cü mərhələdən çıxış edəcək. İkinci raundun ilk oyunları sentyabrın 27-28-də, cavab matçları isə oktyabrın 4-5-də baş tutacaq.
İdman.biz
