Oxu.az
ABŞ-li qılıncoynadan Stefani Terner transseksual rəqibi ilə yarışmaqdan imtina etdiyi üçün diskvalifikasiya olunub.
Oxu.Az-ın xəbərinə görə, bu barədə "The New York Post" nəşri məlumat verib.
Məlumata görə, döyüşə girmək əvəzinə Stefani Terner maskasını çıxarıb və bioloji kişi olan Redmond Sallivan ilə döyüşməkdən imtina əlaməti kimi diz çöküb. Referi kobud şəkildə qaydaları pozduğuna və idmana xas olmayan hərəkətinə görə qızı diskvalifikasiya edib.
"Mən diz çökəndə hakimə baxdım və dedim ki, bağışlayın, mən bunu edə bilmərəm. Mən qadınam, bu isə kişidir və bu, qadın turniridir", - deyə idmançı qız bildirib.
Xatırladaq ki, daha əvvəl ABŞ Prezidenti Donald Tramp transseksualların ölkənin qadın turnirlərində iştirakını qadağan edən sərəncam imzalamışdı.
Transseksual idmançılarla bağlı ilk qalmaqallar isə Parisdə keçirilən Olimpiya Oyunları zamanı baş vermişdi. Bioloji kişi olan İmam Xəlifin qalib gəldiyi qadın boks turniri xüsusi rezonans doğurmuşdu.
