Idman.biz
Rusiyanın Ulyanovsk vilayətindən olan veteran idmançı Nikolay İsakov Rusiya Kubokunda 90–94 yaş kateqoriyasında ən güclü atlet seçilib.
İdman.Biz xəbər verir ki, 93 yaşlı İsakov yarış zamanı ştanqı bir neçə saniyə ərzində başı üzərinə saxlayaraq tribunalar tərəfindən alqışlarla qarşılanıb.
Veteran atletin çıxışı sosial şəbəkələrdə geniş müzakirə olunub və onun fiziki gücü, iradəsi böyük rəğbət qazanıb.
Ləqəbi "Dəmir baba" olan Nikolay İsakov uzun illərdir aktiv şəkildə idmanla məşğuldur və müxtəlif yaşlı atletlər üçün motivasiya nümunəsi sayılır. Onun çıxışı Rusiyanın ən yaşlı peşəkar idmançılarından biri kimi tarixə düşüb.
Qeyd edək ki, yarışın təşkilatçıları İsakovun nəticəsini "nadir fizioloji nümunə və əsl idman iradəsi" kimi qiymətləndiriblər.
