Idman.biz
Oktyabrın 13-dən 18-dək Özbəkistanın Daşkənd şəhərində kikboksinq üzrə WAKO Dünya Kuboku keçirilib.
İdman.Biz xəbər verir ki, bu barədə Gənclər və İdman Nazirliyinin mətbuat xidməti məlumat yayıb.
Bildirilib ki, yarışda iştirak edən Azərbaycan komandası uğurlu nəticə göstərərək ümumi komanda hesabında altıncı yeri tutub.
45 ölkədən 3043 nümayəndənin, o cümlədən 2530 idmançının iştirak etdiyi mötəbər beynəlxalq yarışda millimiz 15 qızıl, yeddi gümüş və 16 bürünc medal olmaqla ümumilikdə 38 medal qazanıb.
Yarışda Azərbaycan idmançılarından Məhəmməd İmanov (60 kq), Rafiq Babazadə (57 kq), Əli Mayılzadə (57 kq), Rafiq Əliyev (63,5 kq), Elmir Mirzəliyev (71 kq), Əli Əkbər (+91 kq), Rəsul Babazadə (51 kq), Firuz Vəliyev (74 kq), Rəsul Məhərrəmli (54 kq), İbrahim Süleymanlı (57 kq), Jasmin Amirova (52 kq), Nazpəri Cabbarova (48 kq), Yeganə Rəhimova (52 kq), Mübariz Səmədov (+69 kq), Aydan Mehdili (60 kq) qızıl medal qazanıblar. Hüseyn Əmiri (45 kq), Amid Ağakişiyev (69 kq), Nurlan Cabbarov (51 kq), Həsən Nəsirov (60 kq), Nəzrin Qasımova (65 kq), Aydan Vəlizadə (48 kq) gümüş medala sahib olublar. Əli Qarayev (71 kq), Əli Cabbarzadə (60 kq), Ramin Əhmədov (48 kq), Raul Qarayev (57 kq), Ramiz Məmmədov (60 kq), Ayxan Qürbətli (63,5 kq), Elmir İbrahimov (63,5 kq), Sahib Mikayılzadə (67 kq), Nihad Hüseynov (69 kq), Amid Ağakişiyev (69 kq), Nazlı Cəfərzadə (56 kq), Qurban Məhərrəmli (75 kq), Elmira Məmmədova (55 kq), Firuz Vəliyev (74 kq), Kamil Səmədov (81 kq) bürünc medal əldə ediblər.
Hakimlərimizdən Elxan Əhmədov WAKO-nun "B" kateqoriyalı hakim statusunu, Məhəmməd Babayev isə "C" kateqoriyasını əldə edib.
Dünya Kuboku çərçivəsində keçirilən "KAT PRO" peşəkar döyüş gecəsində də Azərbaycan idmançıları uğurlu çıxış ediblər. Rafiq Babazadə və Məhəmməd İmanov Türkiyə və Özbəkistanı təmsil edən rəqibləri üzərində qələbə qazanaraq reytinq xallarını artırıblar. Hər iki idmançının şəxsi məşqçisi Hikmət Hacıyevdir.
