Idman.biz
Azərbaycan cüdoçusu Hidayət Heydərov Gürcüstanın paytaxtı Tbilisidə keçirilən Avropa çempionatında yarımfinala yüksəlib.
İdman.Biz xəbər verir ki, 73 kq çəki dərəcəsində mübarizə aparan son olimpiya çempionu 1/4 finalda Fransanı təmsil edən Dayyan Boulemtafesə qalib gəlib.
O, daha əvvəl 1/16 finalda Konstantinos Tsaparası (Yunanıstan), 1/8 finalda isə Dardan Çenanı (Kosovo) məğlub etmişdi.
Qeyd edək ki, ötən gün mübarizəyə qoşulan yeddi idmançıdan ikisi - Əhməd Yusifov (60 kq) və Turan Bayramov (66 kq) bürünc medal qazanıb.
Avropa çempionatı aprelin 19-da başa çatacaq.
12:14
Azərbaycan cüdoçusu Hidayət Heydərov Gürcüstanın paytaxtı Tbilisidə keçirilən Avropa çempionatında növbəti qələbəsini qazanıb.
İdman.Biz xəbər verir ki, 73 kq çəki dərəcəsində mübarizə aparan olimpiya çempionu 1/8 finalda Dardan Çenaya (Kosovo) qalib gəlib.
O, daha əvvəl 1/16 finalda Konstantinos Tsaparası (Yunanıstan) məğlub etmişdi.
10:59
Azərbaycan cüdoçusu Hidayət Heydərov Gürcüstanın paytaxtı Tbilisidə keçirilən Avropa çempionatına qələbə ilə başlayıb.
İdman.Biz xəbər verir ki, 73 kq çəki dərəcəsində mübarizə aparan olimpiya çempionu 1/16 finalda Konstantinos Tsaparasa (Yunanıstan) ipponla qalib gəlib.
09:28
Bu gün Azərbaycanın daha bir idmançısı Gürcüstanın paytaxtı Tbilisidə keçirilən Avropa çempionatında mübarizəyə başlayacaq.
İdman.Biz xəbər verir ki, olimpiya çempionu Hidayət Heydərov (73 kq) tatamiyə çıxacaq.
O, 1/16 finalda Konstantinos Tsaparasla (Yunanıstan) qarşılaşacaq.
Heydərov bu gün Avropanın 5 qat çempionu ola bilər. O, daha əvvəl 2017, 2022, 2023 və 2024-cü illərdə qitə birinciliklərində qızıl medal qazanıb.
Qeyd edək ki, yarışın əvvəlki günündə tatamiyə çıxan yeddi azərbaycanlı cüdoçudan ikisi medal qazanmağı bacarıb. Belə ki, Əhməd Yusifov (60 kq) və Turan Bayramov (66 kq) çıxışlarını bürünc medalla başa vurublar.
Avropa çempionatı aprelin 19-da başa çatacaq.
