Idman.biz
24-25 noyabr tarixlərində cüdo üzrə U-17 yeniyetmələr arasında Liqa yarışının IV turu keçiriləcək.
İdman.Biz xəbər verir ki, bu barədə Azərbaycan Cüdo Federasiyası məlumat yayıb.
Yarış 89 klub və idman cəmiyyətindən olan 713 idmançı (576 oğlan, 137 qız) ümumilikdə 16 çəki dərəcəsində medallar uğrunda mübarizə aparacaq.
Yeniyetmələrin qarşılaşmaları Abşeron Olimpiya İdman Kompleksində baş tutacaq.
Qeyd edək ki, bu, U-17 Liqa yarışlarının son turudur. Turnirin yekununda idmançıların reytinq siyahısı formalaşacaq.
