Idman.biz
Azərbaycan cüdoçuları İslam Rəhimov (66 kq) və Nizami İmranov (66 kq) Tacikistanın paytaxtı Düşənbədə keçirilən "Böyük Dəbilqə" turnirinin 1/4 final mərhələsində məğlub olublar.
Idman.Biz xəbər verir ki, İslam Rəhimov son dünya çempionatının gümüş mükafatçısı Nurali Emomaliyə (Tacikistan), Nizami İmranov isə Yaqo Abuladzeyə (Rusiya) uduzub.
İdmançılarımız təsəlliverici görüşlərdə mübarizəni davam etdirəcəklər. İslam Rəhimovun (66 kq) rəqibi ukraynalı Vadym Cehrnovla, Nizami İmranovun rəqibi isə fransalı Simon Lesauvage olacaq.
Xatırladaq ki, digər cüdoçumuz Murad Muradlı (60 kq) 1/8 final mərhələsində məğlub olub.
Qeyd edək ki, "Böyük Dəbilqə" turniri mayın 3-də başa çatacaq.
12:27
Azərbaycan cüdoçusu Murad Muradlı (60 kq) Tacikistanın paytaxtı Düşənbədə keçirilən "Böyük Dəbilqə" turnirində məğlub olub.
İdman.Biz xəbər verir ki, idmançı 1/8 final mərhələsində özbəkistanlı Muhammadcon Maşaripovla qarşılaşıb.
Xatırladaq ki, digər cüdoçularımızdan İslam Rəhimov və Nizami İmranov 1/4 finala yüksəliblər.
Qeyd edək ki, "Böyük Dəbilqə" turniri mayın 3-də başa çatacaq.
12:01
Azərbaycan cüdoçusu Nizami İmranov (66 kq) Tacikistanın paytaxtı Düşənbədə keçirilən "Böyük Dəbilqə" turnirində qələbə qazanıb.
İdman.Biz xəbər verir ki, idmançı 1/8 final mərhələsində qazaxıstanlı Yerdaulet Bozşa ilə qarşılaşıb.
Rəqibini məğlub edən N.İmranov 1/4 finala vəsiqə qazanıb.
Bundan başqa, İslam Rəhimov da 1/4 finala yüksəlib.
Qeyd edək ki, "Böyük Dəbilqə" turniri mayın 3-də başa çatacaq.
11:47
Azərbaycanın cüdoçusu İslam Rəhimov (66 kq) Tacikistanın paytaxtı Düşənbədə keçirilən "Böyük Dəbilqə" turnirini qələbə ilə başlayıb.
İdman.Biz xəbər verir ki, idmançı 1/8 final mərhələsində qazaxıstanlı Nursultan Zayzaqaliyevlə qarşılaşıb.
Rəqibini məğlub edən İ.Rəhimov 1/4 finala vəsiqə qazanıb.
10:24
Bu gün Tacikistanın paytaxtı Düşənbədə cüdo üzrə "Böyük Dəbilqə" turniri start götürəcək.
İdman.Biz xəbər verir ki, yarışın ilk günündə Azərbaycan millisinin üç üzvü tatamiyə çıxacaq.
İdmançılar iki çəki dərəcəsində mübarizə aparacaqlar.
Kişilər arasında 60 kq çəki dərəcəsində 1/8 final mərhələsində Murad Muradlı fransalı Yan Motoli Bonqambe ilə özbəkistanlı Muhammadcon Maşaripov cütünün qalibi ilə qarşılaşacaq.
66 kq çəki dərəcəsində isə 1/8 finalda Nizami İmranov qazaxıstanlı Yerdaulet Bozşa ilə üz-üzə gələcək. Digər təmsilçimiz İslam Rəhimov isə qazaxıstanlı Nursultan Zayzaqaliyevlə qarşılaşacaq.
