Idman.biz
"Real Madrid"ın baş məşqçisi Joze Mourinyo 2013-cü ildə "Mançester Yunayted"ə başçılıq etməkdən niyə imtina etdiyini və "Çelsi"yə qayıtmaq qərarını açıqlayıb.
İdman.Biz xəbər verir ki, təcrübəli mütəxəssis bu barədə "Netflix"in sənədli filmində danışıb.
"Real"dan ayrıldıqdan sonra Ser Aleks Ferqyusonun gedişindən sonra "Mançester Yunayted"ə baş məşqçi olmaq üçün ilkin müqavilə imzalamışdım. Bu təklifdən çox qürur duymuşdum, çünki "Mançester Yunayted" inanılmaz dərəcədə cəlbedici klubdur.
Amma futbola sevgi ilə konkret kluba olan sevgi fərqli şeylərdir. Düşünürəm ki, ikincisi daha güclüdür. "Real"dan sonra isə ilk növbədə sevildiyimi hiss etməyə ehtiyacım var idi.
Ser Aleks Ferqyusonu əvəzləyəcək məşqçi olmaq şansını əldən vermək mənim üçün dramatik an idi. Lakin peşman deyiləm, çünki bu, ürəyimlə verdiyim qərar idi", - deyə Mourinyo bildirib.
Portuqaliyalı mütəxəssis sonradan "Mançester Yunayted"i çalışdırıb. O, 2016-2018-ci illərdə İngiltərə klubunda işləyib və "qırmızı şeytanlar"la Avropa Liqası, İngiltərə Liqa Kuboku və İngiltərə Superkubokunu qazanıb.
