Idman.biz
ABŞ-nin "İnter Mayami" futbol komandasının hücumçusu Lionel Messi atası Xorxe Messi ilə vida mərasimində görüntülənib.
İdman.Biz xəbər verir ki, mərasim Argentinanın Rosario şəhəri yaxınlığındakı El Prado qəbiristanlığında qapalı formatda keçirilib. Messi ailə üzvləri ilə birlikdə mərasimə qatılıb.
Xorxe Messi uzun sürən xəstəlikdən sonra 68 yaşında vəfat edib. O, Lionel Messinin karyerasında mühüm rol oynayıb və uzun illər oğlunun nümayəndəsi kimi fəaliyyət göstərib.
Maraqlıdır ki, 8 avqust Messi üçün iki fərqli, amma çox ağır xatirə ilə bağlı tarixə çevrilib. 8 avqust 2021-ci ildə argentinalı futbolçu göz yaşları içində "Barselona" ilə vida mətbuat konfransı keçirmişdi. Beş il sonra isə həmin tarixdə atasını itirib.
Messi Xorxe Messinin vəfatı səbəbindən "İnter Mayami"nin "Monterrey"lə Liqalar Kuboku matçında iştirak etməyib. Klub həmin qarşılaşmadan əvvəl Xorxe Messinin xatirəsini bir dəqiqəlik sükutla yad edib.
