Idman.biz
İspaniyanın "Barselona" futbol komandası "Mançester Siti"nin yarımmüdafiəçisi Rodri Ernandesin transferi üçün mübarizəni davam etdirir.
İdman.Biz "Sky Sports"a istinadən xəbər verir ki, Britaniya mətbuatının məlumatına görə, Kataloniya klubu 30 yaşlı futbolçu üçün yenilənmiş təklif hazırlayır və tərəflərin ortaq məxrəcə gələ biləcəyinə inanır. Rodrinin təxminən 68 milyon funt sterlinq (152 milyon AZN) dəyərində qiymətləndirildiyi bildirilir.
"Barselona" daha əvvəl futbolçu ilə marağını gücləndirib. "Mançester Siti" isə əsas yarımmüdafiəçisini satmaq istəmədiyini və ona yeni uzunmüddətli müqavilə təklif etməyi planlaşdırdığını açıqlayıb.
Rodri ilə "Real" da maraqlanır. Madrid klubunun futbolçu üçün təxminən 50 milyon funt sterlinq ödəməyə hazır olduğu bildirilmişdi.
İspaniyalı futbolçunun "Mançester Siti" ilə müqaviləsinin son ilinə daxil olması transfer ehtimalını artıran əsas amillərdən biridir.
