Idman.biz
Qazaxıstanın Akmola vilayətinin Qorğaljın rayonunda məktəbli boksçular (U-15) arasında beynəlxalq turnir keçirilib.
İdman.Biz xəbər verir ki, beş ölkənin qatıldığı yarışda Azərbaycan milli komandası iki idmançı ilə təmsil olunub.
Boksçularımızın hər ikisi turniri qızıl medalla başa vurub. Sərxan Haqverdiyev (70 kq) və Teymur Tanrıverdiyev (+70 kq) bütün rəqiblərinə qalib gələrək fəxri kürsünün ən yüksək pilləsinə yüksəliblər.
Təmsilçilərimiz finalda yerli idmançılarla qarşılaşıblar. Hər iki boksçumuz görüşü vaxtından əvvəl tam üstünlüklə başa vuraraq qızıl medal qazanıb.
Qeyd edək ki, Azərbaycan komandasının baş məşqçisi Etibar Abdullayev turnirin ən yaxşı məşqçisi seçilib.
