Idman.biz
Azərbaycanlı döyüşçü Rafael Fiziyevin gələcək rəqibi yüngül çəkidə keçmiş UFC çempionu Çarlz Oliveyra UFC 317 turnirində İlya Topuriyaya məğlubiyyətin səbəblərindən danışıb.
İdman.biz xəbər verir ki, iyunda keçirilən çempionluq kəməri uğrunda görüş gürcü əsilli ispaniyalının ilk raundda nokautla qələbəsi ilə yekunlaşıb.
"Bəzən sübuta ehtiyacı olmayan bir şeyi sübut etməyə çalışırıq. Mən çoxlu zərbələr, kombinasiyalar, yerdəyişmələr hazırladım, döyüşdə sadəcə özünü göstərmək istədim. Nokaut gücümə çox inanırdım, mükəmməl anı gözlədim, amma o, bunu daha sürətli alındı. Onun gecəsi idi", - deyə Oliveyra bildirib.
Braziliyalı idmançı daha çox hərəkət etməli olduğunu və bunu bacarmadığı üçün karyerasında ilk dəfə nokautla uduzduğunu bildirib. O, UFC-də hələ çox hədəflərinin olduğunu deyərək məşqlərə qayıdıb.
Qeyd edək ki, Oliveyra ilə Fiziyev arasında döyüş oktyabrın 11-də Rio-de-Janeyroda keçiriləcək UFC turnirində baş tutacaq.
İdman.biz
