Idman.biz
ABŞ-də yaşayan azərbaycanlı MMA döyüşçüsü Mirmahmud Seyidzadə Kaliforniyanın Stokton şəhərində keçirilən "209 Beatdown" turnirində qələbə qazanıb.
Diaspor Komitəsindən İdman.biz-ə verilən məlumata görə, Kaliforniyadakı Azərbaycan icmasının fəal üzvü olan Seyidzadə soyuqqanlılığı, dəqiqliyi və texniki üstünlüyü ilə rəqibini məğlub edərək karyerasında önəmli nailiyyətə imza atıb.
Döyüşdən sonra üçrəngli bayrağımızı qürurla nümayiş etdirən idmançı, bu zəfəri həm Vətəninə, həm də onu dəstəkləyən insanlara həsr etdiyini bildirib.
Qeyd edək ki, Mirmahmud Seyidzadə peşəkar idmançı olmaqla yanaşı, San Xose Dövlət Universitetində hüquq təhsili alan tələbədir. O, dünyaca məşhur "American Kickboxing Academy"nin yetirməsidir. Məhz bu akademiya Həbib Nurməhəmmədov, Deniel Kormye və Keyn Velaskes kimi tanınmış idmançıları yetişdirib.
İdman.biz
