Idman.biz
İrlandiyalı ulduz döyüşçü və UFC-nin tarixində eyni vaxtda müxtəlif çəki kateqoriyalarında iki kəmərə sahib olan Konor Makqreqor Ağ Evdə UFC döyüş gecəsində iştirak etmək arzusundadır.
İdman.biz xəbər verir ki, o, bununla bağlı "X" sosial şəbəkə hesabında paylaşım edib.
Makqreqor bildirib ki, ABŞ Prezidenti Donald Trampın Ağ Evdə UFC döyüşünün keçiriləcəyini elan etməsindən məmnundur: "Bu mənim üçün şərəf olacaq! Məni qeyd edin!".
Qeyd edək ki, ABŞ Prezidenti Donald Tramp iyulun 4-də gələn il ölkənin müstəqilliyinin 250 illiyini münasibətilə Ağ Evdə UFC döyüşü keçiriləcəyini bildirib. Yarışın dəqiq tarixi və kimlərin iştirak edəcəyi açıqlanmayıb.
İdman.biz
