Idman.biz
Yüngül çəkidə UFC çempionu İslam Maxaçev ilk dəfə digər çempion İliya Topuriya ilə döyüşmək istədiyini açıqlayıb.
İdman.biz xəbər verir ki, 33 yaşlı MMA döyüşçüsü mayda yarımorta çəki dərəcəsinə keçdiyini elan edib.
Maxaçev Kaspiyskdə keçirilən, "Eagle FC" və "Fight Nights" təşkilatlarının birgə turnirinə həsr olunmuş mətbuat konfransında mövzu ilə bağlı bunları deyib: "Mənim növbəti döyüşüm? Topuriya ilə müəyyən bir intriqa var. Bu döyüş mənim özümə də maraqlıdır. Ola bilər ki, hansısa superdöyüş təşkil etmək mümkün olsun. Bilmirəm, çəkidən asılı olacaq, görərik".
Qeyd edək ki, Maxaçev yarımorta çəki dərəcəsinin çempionu Cek Della Maddalena ilə döyüşəcək – qarşılaşmanın tarixi hələ məlum deyil.
İdman.biz
