Sport24.az
"Vəziyyəti dəyişə biləcəyimizə inanırıq. Bunun üçün hər kəsin bir məqsəd ətrafında birləşməsi və öz üzərinə düşən işi maksimum səviyyədə yerinə yetirməsi vacibdir". Sport24.az xəbər verir ki, bu özləri NTD-nin basketbolçusu Lakim Makalayli klubun mətbuat xidmətinə müsahibəsində bildirib.
- Çempionatda qısa fasilə yarandı. NTD bu fasilədən necə yararlandı?
- Bu fasilədən bərpa olunmaq və görülən işləri analiz etmək üçün istifadə etdik. Düşünürük ki, fasilə bizə müsbət təsir göstərdi. Güclü tərəflərimizi daha yaxşı anladıq və üzərində işləməli olduğumuz məqamları müəyyən etdik.
- Komanda hazırda "Sabah"la qarşıdakı oyuna hazırlaşır. Hazırlıq prosesi necə gedir və komanda daxilində ab-hava necədir?
- Hazırlıq prosesi plan üzrə gedir. Həm məşqçilər korpusu, həm də oyunçular nə tələb olunduğunu dəqiq bilirlər. Komandada əhval-ruhiyyə yüksəkdir və məqsədimiz yalnız qələbədir.
- Bu mövsüm NTD üçün hələ ki uğurlu alınmır. Sizcə vəziyyəti necə dəyişmək olar?
- Vəziyyəti dəyişə biləcəyimizə inanırıq. Bunun üçün hər kəsin bir məqsəd ətrafında birləşməsi və öz üzərinə düşən işi maksimum səviyyədə yerinə yetirməsi vacibdir.
- Komandanı Azərbaycan Kuboku oyunları da gözləyir. NTD hazırkı kubok sahibidir. Kuboku yenidən qazanmaq real hədəf kimi görünürmü?
- Biz özümüzü yenidən kubokun sahibi kimi görürük. Bu asan olmayacaq, lakin sona qədər mübarizə aparacağıq. Məqsədimiz zirvəyə yüksəlməkdir.
- Azərbaycan Basketbol Liqasının ümumi səviyyəsini necə qiymətləndirərdiniz? Gözləntilərinizi doğruldumu?
- ABL-də oyun səviyyəsi kifayət qədər yüksəkdir və düşünürəm ki, gələcəkdə daha da artacaq. Bu liqaya gələndə hər bir komandanın sona qədər mübarizə aparacağını bilirdim və heç kimi zəif görmürdüm. Burda özümü sübut etmək istəyirəm.
