Lent.az
"Beşiktaş"ın amerikalı basketbolçuları Cona Metyuz və Devon Dotsonun Bodrumda tətil etməsi böyük səs-küyə səbəb olub. İddialara görə, iki ulduz oyunçu sevgililəri ilə tətildə olarkən bir baqqal mağazasından 18 min türk lirəsi məbləğində ödənilməmiş borclarla çıxıblar.
Lent.az-ın xarici mediaya istinadən məlumatına görə, "Beşiktaş" komandasında oynayan Cona Metyuz və Devon Dotsonun mayın 15-16-da Bodrumda lüks yaxta icarəyə götürdükləri iddia edilib. İki basketbolçunun sevgililəri Heyli Kollimor və Elli Perri ilə tətildə olduqları bildirilir.
Xəbərə görə, ulduz basketbolçular əvvəlcə Bodrumdakı lüks bir oteldə qalıblar. Daha sonra isə icarəyə götürdükləri yaxtada Bodrum körfəzlərindəki turlarına davam ediblər.
İddialara görə, komanda Paradayz-Bey-dəki lüks bir mağazadan qayıqları üçün xüsusi sifariş verib. Bildirilib ki, basketbolçular müxtəlif qəlyanaltılarla yanaşı, üç şüşə ən bahalı içki istəyiblər. Market işçilərinin sifarişləri qayığa çatdırdığı öyrənilib. Ümumi hesabın təxminən 18.000 lirə olduğu deyilir.
Məlumata görə, Cona Metyuz və Devon Dotson qayıqdan düşərkən marketə ödəniş edəcəklərinə söz veriblər. Lakin iddia edilir ki, ödəniş keçən müddət ərzində edilməyib.
İddialara görə, market rəsmiləri basketbolçularla dəfələrlə əlaqə saxlamağa çalışıblar, lakin heç bir cavab almayıblar. Hadisə Bodrumda tez bir zamanda müzakirə mövzusuna çevrilib.
"Beşiktaş" mövsümü uğurlu keçirib və "Fənərbaxça" ilə xalları bərabərləşdirib. Lakin iki ulduz basketbolçunun Bodrum tətili ilə bağlı iddialar klubda təəccüb doğurub.
