Sport24.az
Bu gün Azərbaycan Basketbol Liqasının (ABL) X turunda daha iki görüş baş tutacaq. Sport24.az xəbər verir ki, Şəki Olimpiya İdman Kompleksində bölgənin eyniadlı təmsilçisi "Gəncə" ilə üz-üzə gələcək. Görüş saat 14:00-da başlayacaq.
A qrupunun digər oyununda isə "Sabah" "Abşeron Lions"la qarşılaşacaq. Bakı İdman Sarayında baş tutacaq matç isə saat 19:00-da start götürəcək.
Qeyd edək ki, "Abşeron Lions" 17 xalla A qrupunda liderdir. 16 xala malik "Sabah" ikincidir. "Gəncə" 12 xalla üçüncü, 11 xala malik "Şəki" isə beşinci sıradadır.
Turun baş tutan oyunlarında "Sərhədçi" "Sumqayıt"ı (86:83), "Naxçıvan" "Quba"nı (78:69), "Ordu" isə "Lənkəran"ı (84:72) məğlub edib. X tura dekabrın 21-də yekun vurulacaq.
