Sport24.az
"Bu il ilk dəfədir ki, Yüksək Liqada çıxış edirəm. Çempionat çox maraqlı keçir". Sport24.az xəbər verir ki, bunu UNEC-in voleybolçusu Xədicə Hadızadə deyib.
Komandasının blokçusu Azərbaycan Yüksək Liqasında "Milli Aviasiya Akademiyası"na 0:3 hesabı ilə uduzduqları oyunu dəyərləndirib: "Buna baxmayaraq, hər oyunda əlimizdən gələni edirik. Komandaların heyətlərinə baxsaq görərik ki, UNEC çempionatın daha çox gənc oyunçuların olduğu komandadır. Təcrübəli oyunçulara, güclü komandalara qarşı oynamaq təcrübəmizi daha da artırır".
Qeyd edək ki, turnir cədvəlinin sonuncu pilləsində qərarlaşan UNEC V turda "Milli Aviasiya Akademiyası"na 0:3 hesabı ilə uduzub.
