Sport24.az
"Alba"da çıxış edən Azərbaycan millisinin voleybolçuları Yelizaveta Ruban və Alena Xarçenko statistik göstəricilərinə görə Rumıniya çempionatında ən yaxşıları arasındadırlar. Sport24.az xəbər verir ki, liqanın ən yaxşı blokçularının siyahısına Xarçenko başçılıq edir.
Onun göstəricisi orta hesabla hər setdə 1,41 blokdur.
Hesabında 217 xal olan Ruban isə liqanın ən məhsuldar hücumçusudur. O, həm də hücumları uğurla başa vuran hücumçular siyahısında ikincidir. Onun göstəricisi hər setə 4,43 xaldır.
Qeyd edək ki, "Alba" Rumıniya çempionatında 3-cü yerdədir.
