Idman.biz
Qadın voleybolçular arasında Avropa çempionatının seçmə mərhələsində növbəti matçlar keçirilub.
İdman.biz xəbər verir ki, müxtəlif qruplarda yeddi oyun baş tutub.
Şimali Makedoniya Yunanıstana, Danimarka Belçikaya, Estoniya Sloveniyaya, Gürcüstan İspaniyaya, Kosovo - Rumıniya 0:3, Latviya Bosniya və Herseqovinaya 2:3 hesabı ilə uduzub, Finlandiya Almaniyaya 3:1 hesabı ilə qalib gəlib.
Reqlamentə uyğun olaraq, qrup qalibləri ilə yanaşı, ikinci yeri tutacaq yeddi komandadan beşi Avropa çempionatına vəsiqə qazanacaq. Hazırda qruplara Almaniya, Belçika, Sloveniya, Latviya, İspaniya, Yunanıstan və Xorvatiya başçılıq edir.
Qeyd edək ki, Azərbaycan gələn il keçiriləcək Avropa çempionatının ev sahiblərindən biridir. Yarış ölkəmizlə yanaşı, Türkiyə, Çexiya və İsveçdə təşkil olunacaq.
İdman.biz
