Idman.biz
Çimərlik voleybolu üzrə Azərbaycan milli komandaları Avropa çempionatlarında iştirak etmək məqsədilə bu gün Avstriyaya yola düşüblər.
İdman.biz xəbər verir ki, təmsilçilərimiz əvvəlcə avqustun 14-17-də Avstriyada keçiriləcək U-22 Avropa çempionatında, daha sonra ayın 20-25-də İspaniyada təşkil olunacaq U-20 Avropa çempionatında iştirak edəcəklər.
Ölkəmiz hər iki turnirdə həm oğlanlardan (Muhammad Aslanlı/İbrahim Məmmədov; ehtiyat komanda Nəriman Bayramlı/Tural Əsgərov), həm də qızlardan (Səbinə Əlizadə/Cəmilə Bəşirova) ibarət komanda ilə təmsil olunacaq.
Qeyd edək ki, qızlardan ibarət komandamızın baş məşqçisi Nihad Tarverdiyev, oğlanlardan ibarət komandamızın baş məşqçi isə Atvars Vildensdir.
İdman.biz
