Idman.biz
"Mövsüm kifayət qədər gərgin keçdi və bir az sonra karyeramı harada davam etdirəcəyimlə bağlı düşünəcəyəm".
İdman.biz xəbər verir ki, bunu "Vaşaş"ın heyətində Macarıstan çempionu, ölkə kubokunun qalibi olan Azərbaycan millisinin voleybolçusu Ayşən Abduləzimova deyib.
Blokçu bildirib ki, ona gələcək karyerası ilə bağlı bir neçə təklif gəlib, lakin mövsüm bitdikdən dərhal sonra bu barədə qərar verməyə tələsmir. Mövsümün yekunları barədə danışan Abduləzimova mövsümün əvvəlində qarşılarına qoyduqları məqsədə nail olduqlarını vurğulayıb: "Beynəlxalq arenada da yaxşı çıxış etməyi bacardıq - "Vaşaş" Çempionlar Liqasında qrup üçüncüsü oldu və CEV kubokunda çıxışını davam etdirərək, yarımfinala yüksəldi. Həmçinin MEVZA (Mərkəzi Avropa Zonal Voleybol Assosiasiyası) Superkubokunu da qazandıq. Kifayət qədər uğurlu oynadıq".
Qeyd edək ki, "Vaşaş"ın kapitanı olan Abduləzimova 5-ci dəfə ölkə çempionu olub.
İdman.biz
