Idman.biz
Gələn il Azərbaycan qadın voleybolçular arasında Avropa çempionatının təşkilatçılarından biri olacaq.
İdman.biz xəbər verir ki, dörd ölkədə keçiriləcək yarışa paytaxtımızdan başqa, Türkiyə, Çexiya və İsveç ev sahibliyi edəcək.
Yarımfinal və final mərhələsi də daxil olmaqla pley-off oyunları Ankarada olacaq. Bakıda Milli Gimnastika Arenasında bir qrupun oyunları keçiriləcək.
Seçmə mərhələnin başa çatmasına - final turnirində iştirak edəcək bütün komandaların müəyyənləşməsinə bir aydan bir az çox vaxt qalıb. Təsnifatın həlledici oyunları avqustun 2-10-da keçiriləcək.
İlk dövrədən sonra qruplarında liderlik edən Almaniya, Macarıstan, İspaniya, Sloveniya, Yunanıstan və Xorvatiya hərəyə iki qələbə qazanıblar.
Reqlamentə uyğun olaraq, təkcə qrup qalibləri deyil, həm də üçlükdə ikinci yeri tutan yeddi komandadan beşi AVRO-2026-ya vəsiqə qazanacaq.
Hazırda final mərhələsində çıxış edəcək 24 komandadan 12-nin adı məlumdur. Bunlar Azərbaycan, Türkiyə, İsveç və Çexiyanın timsalında ev sahibləri, həmçinin Serbiya, Niderland, İtaliya, Polşa, Fransa, Bolqarıstan, Ukrayna və Slovakiya komandalarıdır.
İdman.biz
