Sport24.az
Azərbaycan Şahmat Federasiyası, Azərbaycan Respublikası Gənclər və İdman Nazirliyinin dəstəyi ilə növbəti dəfə "Baku Open – 2025" Beynəlxalq Şahmat Festivalını təşkil edəcək. Sport24.az xəbər verir ki, Beynəlxalq turnir Baku Crystal Hall-un sərgi mərkəzində 27 aprel – 6 may tarixlərində keçiriləcək. Yarışda şahmatçılar üç qrupda İsveçrə sistemi üzrə 9 turda (A, B və C) mübarizə aparacaq. Festival çərçivəsində veteran şahmatçılar arasında Azərbaycan çempionatı da baş tutacaq.
Festivalın ümumi mükafat fondu 55 000 ABŞ dollarına bərabərdir.
Qeyd edək ki, festival "Chess Tour Azerbaijan" layihəsi çərçivəsində keçiriləcək yarışlardan biridir.
Turnirin əsasnaməsi ilə asf.org.az saytından tanış ola bilərsiz.
