Idman.biz
Məhəmməd Muradlı Birləşmiş Ərəb Əmirliklərində keçirilən "Dubai Open" turnirində ilk dəfə xal itirib.
İdman.biz xəbər verir ki, Azərbaycan şahmatçısı 4-cü turda xalları yarıya bölüb.
O, Aleksey Qerbnevlə (FIDE) heç-heçə oynayıb. Xal itkisinə baxmayaraq Muradlı liderlər qrupunda yer alıb. Məhəmməd 3,5 xal toplayan 5 şahmatçında biridir və 3-cü pillədə qərarlaşıb.
Turnirdə iştirak edən digər təmsilçimiz Şıroğlan Talıbov Vuppala Prranetə (Hindistan), Kənan Qarayev isə RejaNir Manona (Banqladeş) uduzub.
Gövhər Beydullayeva və Xanım Balacayeva turu yarım xalla başa vurublar. Bu, Xanımın turnirdə ilk xalı olub.
Qeyd edək ki, turnirdə 24 ölkədən 84 şahmatçı iştirak edir.
İdman.biz
