Report.az
Malayziya Şahmat Federasiyası Azərbaycan xalqının Ümummilli Lideri Heydər Əliyevin anadan olmasının 102-ci ildönümü münasibətilə mayın 17-də şahmat turniri keçirəcək.
Federasiyadan "Report"a bildirilib ki, Azərbaycanın Malayziyadakı səfirliyi ilə əməkdaşlıq çərçivəsində təşkil olunacaq tədbir artıq üçüncü ildir ki, bütün şahmatçıların diqqətini cəlb edir.
Turnir İsveçrə sistemi üzrə 7 turdan ibarət olacaq. Hər oyun üçün 15 dəqiqə vaxt və hər gedişə 10 saniyə əlavə vaxt veriləcək. Oyunlar şahmatın rapid növündə keçiriləcək. Turnir FİDE-nin rəsmi təqviminə daxil edilib.
Federasiya kişilərin açıq bölməsinin qalibinə 1000 və qadınlar bölməsinin qalibinə 800 olmaqla, 7500 Malayziya ringgiti məbləğində mükafat fondu ayırıb.
Həmçinin hər bölmədə 10 əsas mükafat və U-18, U-12 və 50 yaşdan yuxarı veteranlar, sağlamlıq imkanları məhdud olan oyunçular üçün əlavə mükafatlar oynanılacaq.
FİDE reytinqi 2100 və daha yüksək olan kişi, həmçinin reytinqi 1900 və daha yüksək olan qadın oyunçular turnirdə pulsuz iştirak etməyə dəvət olunurlar.
Sportnews.az — idman dünyasında baş verən əsas hadisələrə həsr olunmuş aparıcı idman portalıdır. Biz hər gün ən son xəbərləri, oyun nəticələrini, müsahibələri, analizləri və proqnozları təqdim edirik.
Saytımızda siz tapa bilərsiniz:
Futbol: yerli və beynəlxalq liqalar, xüsusi diqqət — "Qarabağ" FK
Tennis, şahmat, gimnastika, voleybol, basketbol
Döyüş növləri: boks, güləş, cüdo
Formula 1 və Olimpiya Oyunları
Eləcə də diqqətəlayiq digər idman növləri
Biz azərbaycanlı idmançıların uğurlarını izləyirik, mühüm turnirləri işıqlandırırıq, yığmaların hazırlığı və fərdi nailiyyətlər barədə məlumat veririk. Bütün materiallar faktlara, ekspert şərhlərinə və keyfiyyətli təqdimata əsaslanır.
Niyə məhz Sportnews.az:
Yalnız aktual və etibarlı xəbərlər
Azərbaycan və dünya idmanının tam əhatəsi
Rahat struktur, müntəzəm yenilənmələr, obyektiv baxış
Əsas idman xəbərlərindən xəbərdar olmaq üçün bizimlə qalın.
Sportnews.az — burada idman ucadan danışır.
