Idman.biz
"Çempionlar döyüşü" turniri yoldaşlıq xarakteri daşısa da, lövhə arxasında barışmaz mübarizə gedirdi".
Bunu İdman.biz-ə açıqlamasında Azərbaycan Şahmat Federasiyasının prezidenti, FIDE-nin vitse-prezidenti Mahir Məmmədov deyib.
O, Rauf Məmmədovla Rüstəm Kasımcanov və Günay Məmmədzadə ilə Antoanetta Stefanovanın görüşlərindən həzz aldığını etiraf edib: "Biz oyunlarda nadir hallarda olan gedişlər gördük. Azərbaycan çempionları Rauf Məmmədov və Günay Məmmədzadə, eləcə də dünya çempionları Rüstəm Kasımcanov və Antoanetta Stefanova yarışda ideyalarla dolu idilər. Şahmatsevərlər mübarizənin gərginliyinə heyran qalmışdılar, heç kim təslim olmaq istəmirdi. Turniri belə yaddaqalan yerdə keçirmək imkanına görə Milli Xalça Muzeyinə təşəkkür edirəm".
Qeyd edək ki, Rauf Məmmədov rapid və blitsdə oyunların ümumi nəticəsinə əsasən, Kasımcanova qalib gəlib, Məmmədzadə isə Stefanovadan güclü olub.
Zəki Feyzullayev
İdman.biz
