Idman.biz
"Çempionların savaşı" turnirində həm rapid, həm də blitsdə yaxşı nəticə göstərəcəyimə ümid edirəm.
İdman.biz xəbər verir ki, bunu "Report"a açıqlamasında Azərbaycan şahmatçısı Günay Məmmədzadə Bakıda keçiriləcək "Çempionların savaşı" turnirində üz-üzə gələcəyi dünya və Avropa çempionu Antoaneta Stefanova (Bolqarıstan) ilə görüş haqqında danışarkən deyib.
Azərbaycan çempionu rəqibi ilə əvvəllər də qarşılaşdığını bildirib: "Turnirin formatı mənim üçün maraqlıdır. İlk dəfə xüsusi olaraq kiməsə qarşı rapid və blits matçları oynayacağam. Azərbaycan çempionları dünya çempionlarına qarşı oynayacaq. Ümid edirəm ki, izləyicilər üçün də maraqlı olacaq. Antoaneta Stefanovaya qarşı əvvəllər oynamışam. Klassik növdə, məncə, hesabda öndəyəm. Rapid növündə isə əmin deyiləm. Antoaneta yaxşı rəqibdir. Şahmatda gözlənilməz nəticələr olur. Həm rapid, həm də blits növündə yaxşı nəticə göstərəcəyimə ümid edirəm. Hər şey oyunlardan asılıdır. Yarışlara rəqiblərdən asılı olmayaraq, eyni səviyyədə hazırlaşıram. Bu turnir üçün də xüsusi hazırlıq keçməmişəm".
Qeyd edək ki, "Çempionların savaşı" turniri aprelin 27-dən 30-dək Azərbaycan Milli Xalça Muzeyində təşkil olunacaq. Digər görüşdə Azərbaycan çempionu Rauf Məmmədov 15-ci dünya çempionu Vişvanatan Anandla (Hindistan) münasibətləri aydınlaşdıracaq.
İdman.biz
Sportnews.az — idman dünyasında baş verən əsas hadisələrə həsr olunmuş aparıcı idman portalıdır. Biz hər gün ən son xəbərləri, oyun nəticələrini, müsahibələri, analizləri və proqnozları təqdim edirik.
Saytımızda siz tapa bilərsiniz:
Futbol: yerli və beynəlxalq liqalar, xüsusi diqqət — "Qarabağ" FK
Tennis, şahmat, gimnastika, voleybol, basketbol
Döyüş növləri: boks, güləş, cüdo
Formula 1 və Olimpiya Oyunları
Eləcə də diqqətəlayiq digər idman növləri
Biz azərbaycanlı idmançıların uğurlarını izləyirik, mühüm turnirləri işıqlandırırıq, yığmaların hazırlığı və fərdi nailiyyətlər barədə məlumat veririk. Bütün materiallar faktlara, ekspert şərhlərinə və keyfiyyətli təqdimata əsaslanır.
Niyə məhz Sportnews.az:
Yalnız aktual və etibarlı xəbərlər
Azərbaycan və dünya idmanının tam əhatəsi
Rahat struktur, müntəzəm yenilənmələr, obyektiv baxış
Əsas idman xəbərlərindən xəbərdar olmaq üçün bizimlə qalın.
Sportnews.az — burada idman ucadan danışır.
