Idman.biz
Fransanın PSJ futbol komandası heyətini milli komandanın müdafiəçisi Luka Dinlə gücləndirib.
İdman.Biz xəbər verir ki, Paris təmsilçisi 33 yaşlı sol cinah müdafiəçisi ilə 2029-cu ilin yayına qədər müqavilə imzalayıb. Din yeni komandasında 12 nömrəli forma ilə çıxış edəcək.
Britaniya mətbuatının məlumatına görə, PSJ futbolçunun "Aston Villa" ilə müqaviləsindəki təxminən 8,5 milyon funt sterlinqlik (19 milyon AZN) satınalma bəndini aktivləşdirib.
Din transferdən sonra Paris klubuna qayıtmasının onun üçün xüsusi məna daşıdığını bildirib:
"10 ildən çox əvvəl burada yaşadığım gözəl təcrübədən sonra PSJ-yə qayıtmaq mənim üçün böyük şərəfdir. Klubun illər ərzində necə inkişaf etməsi məni xüsusilə təsirləndirir. Bu yeni mərhələyə başlamağı və bütün təcrübəmi komandanın xidmətinə verməyi səbirsizliklə gözləyirəm".
Fransalı müdafiəçi 2025/2026 mövsümündə "Aston Villa"nın əsas oyunçularından biri olub və komandanın Avropa Liqasını qazanmasına kömək edib. O, İngiltərə klubunda ümumilikdə dörd il yarımdan çox çıxış edib.
Din 2026-cı il dünya çempionatında da Fransa millisinin heyətində yer alıb və komanda ilə yarımfinala qədər irəliləyib. O, milli komandada 64 oyun keçirib.
Qeyd edək ki, Luka Din daha əvvəl 2013-2015-ci illərdə PSJ-də çıxış edib. Həmin dövrdə Paris klubu ilə iki dəfə Fransa çempionu olub, ölkə kubokunu və iki Liqa Kubokunu qazanıb. Daha sonra "Roma", "Barselona", "Everton" və "Aston Villa"da forma geyinib.
