Idman.biz
Konfrans Liqasının üçüncü təsnifat mərhələsində "Qarabağ"ın rəqibi olan Kiyev "Dinamo"su Ukrayna çempionatında növbəti oyununa çıxıb.
İdman.Biz xəbər verir ki, Kiyev təmsilçisi Premyer Liqanın ikinci turunda səfərdə "Veres"lə qarşılaşıb və 2:1 hesablı qələbə qazanıb.
"Dinamo" 38-ci dəqiqədə Oleksandr Tımçikin qolu ilə hesabı açıb. Meydan sahibləri ikinci hissənin əvvəlində İqor Xaratinlə tarazlığı bərpa ediblər.
Görüşün taleyi kompensasiya olunmuş vaxtda həll olunub. 90+2-ci dəqiqədə "Veres"in cərimə meydançasında qayda pozuntusuna görə penalti təyin edilib. Matvey Ponomarenko 11 metrlik zərbəni dəqiq yerinə yetirərək "Dinamo"ya qələbə qazandırıb.
Bu, Kiyev klubunun yeni mövsümdə Ukrayna Premyer Liqasındakı ilk oyunu olub. "Dinamo"nun birinci turda "Livıy Bereq"lə qarşılaşması təxirə salındığı üçün komanda hazırda bir oyundan üç xalla turnir cədvəlinin beşinci pilləsində qərarlaşıb.
Qeyd edək ki, "Dinamo" Konfrans Liqasının üçüncü təsnifat mərhələsinin ilk görüşündə "Qarabağ"ı Kiyevdə 1:0 hesabı ilə məğlub edib. Cavab qarşılaşması avqustun 13-də Bakıda keçiriləcək. Oyun saat 20:00-da başlayacaq.
