Sport24.az
Yunanıstanın Rodos adasında qadınlar arasında şahmat üzrə Avropa çempionatı bir günlük fasilədən sonra davam edir. Sport24.az xəbər verir ki, yarışda 8 azərbaycanlı şahmatçı - Ülviyyə Fətəliyeva, Gövhər Beydullayeva, Gülnar Məmmədova, Ayan Allahverdiyeva, Türkan Məmmədyarova, Səbinə İbrahimova, Nərmin Abdinova və Lalə Hüseynova iştirak edir.
Altı turdan sonra aktivində 4,5 xal olan Beydullayeva ən yaxşı nəticəyə malikdir. O, bu göstərici ilə onuncu yerdə qərarlaşıb. Məmmədova ondan yarım xal geri qalır.
Qitə çempionatında ilk "onluq"da qərarlaşan şahmatçılar Dünya kubokuna vəsiqə qazanacaq.
Qeyd edək ki, yarışda 34 ölkədən ümumilikdə 137 şahmatçı iştirak edir.
Yeddinci turun cütləri:
Gövhər Beydullayeva - Lilit Mkrtçan (Ermənistan)
Kesariya Mqeladze (Gürcüstan) - Gülnar Məmmədova
Paulin Quşar (Fransa) - Səbinə İbrahimova
Ülviyyə Fətəliyeva - Yekaterini Pavlidu (Yunanıstan)
Emiliya Dyak-Sala (Avstriya) - Ayan Allahverdiyeva
Nərmin Abdinova - Anjelika Nenova (Bolqarıstan)
Andrea Boçniçkova (Slovakiya) - Türkan Məmmədyarova
Lalə Hüseynova - Yasmin Şloffer (Avstriya)
