Sport24.az
FİDE şahmatçıların iyun reytinqini açıqlayıb.
Sport24.az xəbər verir ki, siyahıda Azərbaycan yığmasının üzvlərindən ən yaxşı göstərici Şəhriyar Məmmədyarova məxsusdur.
39 yaşlı qrossmeyster 2 pillə irəliləyib. Aktivində 2734 xal olan Məmmədyarov 16-cı pillədə qərarlaşıb. Teymur Rəcəbov 3 pillə geriləyib. O, 2704 xalla 30-cudur.
Digər qrossmeysterimiz Rauf Məmmədov (2651) 5 addım irəliləyib. Milli üzvü 82-ci yerdədir.
Reytinq cədvəlinə norveçli Maqnus Karlsen (2830) başçılıq edir. Onu ABŞ-ın şərəfini qoruyan Fabiano Karuana (2805) və Hikaru Nakamura (2794) izləyirlər.
Qadın şahmatçılarımızdan ən yaxşı göstəriciyə yenə Günay Məmmədzadə malikdir. 6 pillə irəliləyən şahmatçımız 2444 xalla 29-cudur.
Altı addım irəliləyən Gövhər Beydullayeva (2417) 39-cudur. Avropa çempionu Ülviyyə Fətəliyeva (2399) 23 pilləlik sıçrayışla 49-cu sıradadır. 11 pillə irəliləyən Xanım Balacayeva 2385 xalla 63-cüdür. 9 addım geriləyən Gülnar Məmmədova (2348) 99-cı pilləyə düşüb.
Siyahıya çinli Yifan Hou (2632) başçılıq edir. İkinci pillədə Venjun Ju (Çin, 2558), üçüncü sırada Ley Tinqjie (Çin, 2548) qərarlaşıb.
Sportnews.az — idman dünyasında baş verən əsas hadisələrə həsr olunmuş aparıcı idman portalıdır. Biz hər gün ən son xəbərləri, oyun nəticələrini, müsahibələri, analizləri və proqnozları təqdim edirik.
Saytımızda siz tapa bilərsiniz:
Futbol: yerli və beynəlxalq liqalar, xüsusi diqqət — "Qarabağ" FK
Tennis, şahmat, gimnastika, voleybol, basketbol
Döyüş növləri: boks, güləş, cüdo
Formula 1 və Olimpiya Oyunları
Eləcə də diqqətəlayiq digər idman növləri
Biz azərbaycanlı idmançıların uğurlarını izləyirik, mühüm turnirləri işıqlandırırıq, yığmaların hazırlığı və fərdi nailiyyətlər barədə məlumat veririk. Bütün materiallar faktlara, ekspert şərhlərinə və keyfiyyətli təqdimata əsaslanır.
Niyə məhz Sportnews.az:
Yalnız aktual və etibarlı xəbərlər
Azərbaycan və dünya idmanının tam əhatəsi
Rahat struktur, müntəzəm yenilənmələr, obyektiv baxış
Əsas idman xəbərlərindən xəbərdar olmaq üçün bizimlə qalın.
Sportnews.az — burada idman ucadan danışır.
