Idman.biz
Birləşmiş Ərəb Əmirliklərində keçirilən "Dubai Open" turnirində 3 tur arxada qalıb.
İdman.biz xəbər verir ki, Azərbaycan şahmatçısı Məhəmməd Muradlı lider mövqeyinə yüksəlib.
Qrosmeysterimiz avstriyalı Likas Dotzerə qalib gəlib. Ardıcıl 3-cü dəfə rəqiblərini mat edən Məhəmməd 1-ci pilləni ələ keçirib. Onunla eyni miqdarda xal toplayan Aleksey Qerbnev (FIDE) ikincidir.
Turnirdə iştirak edən digər təmsilçimiz Şıroğlan Talıbov isə ardıcıl ikinci günü də heç-heçə ilə başa vurub. O, Asvatla (Hindistan) xalları yarıya bölüb. İlk turdan azad olan Kənan Qarayev də dalbadal ikinci dəfə heç-heçəyə razılaşıb.
Gövhər Beydullayeva ilk xalını qazanıb. Şahmatçımız Nikolay Trequvenkoya (FIDE) qalib gəlib. Xanım Balacayeva isə yenə də məğlubiyət acısı yaşayıb.
Qeyd edək ki, turnirdə 24 ölkədən 84 şahmatçı iştirak edir.
İdman.biz
