İdman.biz
"Oyunlar keyfiyyətli şəkildə keçirdi. Təbii ki, əldə etdiyim nəticə potensialımın olduğundan xəbər verir".
Bunu İdman.bizə Azərbaycan millisinin şahmatçısı Ayan Allahverdiyeva deyib.
O, Hindistanın Qandinaqar şəhərində keçirilən gənclər arasında dünya çempionatındakı çıxışını dəyərləndirib. Mundailı bürünc medalla bitirən Allahverdiyeva bildirib ki, nəticəsi daha çox işləməyə ehtiyac olduğunu göstərir: "Ötən il 18 yaşlılar arasında dünya çempionatı ilə müqayisə etsəm, 20 yaşlı şahmatçılar həmişə daha böyük kateqoriya hesab olunur. Ona görə bu uğurumun ötən ilkindən pis olduğunu deyə bilmərəm. Əlbəttə, həmin vaxt dünya çempionu titulunu qazanmışam. Amma bu il əldə etdiyim bürünc medal onu göstərir ki, bir il ərzində zəifləməmişəm və mübarizə aparmağa qadirəm".
Ayanın sözlərinə görə, çempion olan Divya Deşmuxla qarşılaşmada üstün vəziyyəti əldən verib: "Uduş vəziyyətim var idi. Daha sonra heç-heçə də edə bilərdim. Sadəcə fiquru görmədim, bir anlıq beynim dondu və uduzdum. Elə ən çətin oyunum onunla oldu. Çünki ardıcıl xallar itirmişdim".
Qeyd edək ki, Allahverdiyeva dünya çempionatında 11 turdan 8,5 xal toplayıb.
Banuçiçək Hüseynli
İdman.biz
Sportnews.az — idman dünyasında baş verən əsas hadisələrə həsr olunmuş aparıcı idman portalıdır. Biz hər gün ən son xəbərləri, oyun nəticələrini, müsahibələri, analizləri və proqnozları təqdim edirik.
Saytımızda siz tapa bilərsiniz:
Futbol: yerli və beynəlxalq liqalar, xüsusi diqqət — "Qarabağ" FK
Tennis, şahmat, gimnastika, voleybol, basketbol
Döyüş növləri: boks, güləş, cüdo
Formula 1 və Olimpiya Oyunları
Eləcə də diqqətəlayiq digər idman növləri
Biz azərbaycanlı idmançıların uğurlarını izləyirik, mühüm turnirləri işıqlandırırıq, yığmaların hazırlığı və fərdi nailiyyətlər barədə məlumat veririk. Bütün materiallar faktlara, ekspert şərhlərinə və keyfiyyətli təqdimata əsaslanır.
Niyə məhz Sportnews.az:
Yalnız aktual və etibarlı xəbərlər
Azərbaycan və dünya idmanının tam əhatəsi
Rahat struktur, müntəzəm yenilənmələr, obyektiv baxış
Əsas idman xəbərlərindən xəbərdar olmaq üçün bizimlə qalın.
Sportnews.az — burada idman ucadan danışır.
