Idman.biz
Azərbaycan Şahmat Federasiyası ikinci "Chess Tour Azerbaijan" turnirinin hazırlığına başlayıb.
İdman.biz xəbər verir ki, yarış iyunun 18-dən 25-dək Şəkidə baş tutacaq.
"Sheki Open" A turnirində iştirak etmək üçün artıq yeddi ölkədən 37 oyunçu müraciət edib. Reytinqin favoriti azərbaycanlı qrossmeyster Eltac Səfərli, start siyahısında ikinci, daha bir şahmatçımız Əhməd Əhmədzadə, üçüncü isə Vitali Bernadskidir (Ukrayna).
Sürətli və blits yarışlarının keçiriləcəyi B turniri üçün 150 şahmatçı qeydiyyatdan keçib.
Bu ildən start götürən "Chess Tour Azerbaijan" 8 yarışdan ibarətdir. Turnirə iki həftə əvvəl başa çatan "Baku Open"lə start verilib.
İdman.biz
