Idman.biz
Artıq bir neçə gündür Reyn-Rur bölgəsində keçiriləcək Universiadada iştirak edəcək ölkələrin çoxsaylı bayraqları Essen şəhərindəki Qruqapark ilə sərgi mərkəzi arasındakı ərazini bəzəyir.
İdman.biz xəbər verir ki, Bayraqlar Meydanının rəsmi açılış mərasimi keçirilib.
Tədbir zamanı Almaniya və Beynəlxalq Tələbə İdman Federasiyasının (FISU) bayraqları qaldırılıb.
FISU prezidenti Leonç Eder Boхum, Duysburq, Essen və Mülhaym-an-der-Rur şəhərlərinin merlərinin müşayiəti ilə simvolik lenti kəsərək Bayraqlar Meydanını rəsmi olaraq açıq elan edib.
Bayraqlar Meydanı ziyarətçiləri kiçik bir dünya səyahətinə dəvət edir və artıq fotoçəkilişlər üçün məşhur məkana çevrilib.
Qeyd edək ki, bu gün Azərbaycan komandasının da iştirakı ilə Universiadanın açılış mərasimi olacaq.
İdman.biz
