Idman.biz
Azərbaycan badmintonçusu Həcər Nuriyeva Ümumdünya Yay Universiadasında qızların şəxsi yarışında ilk qələbəsini qazanıb.
İdman.biz-in Almaniyaya ezam olunmuş əməkdaşı xəbəri verir ki, təmsilçimiz 1/32 finalda Misir təmsilçisi Kana Abdelkaderə 2:1 (15-9, 16-18, 15-13) hesabı ilə qalib gəlib.
Həcər 1/16 finalda Tailand badmintonçusu Thamonvan Nithittikrai ilə qarşılaşacaq. Oyun sabah Bakı vaxtı ilə saat 15:40-da başlayacaq.
Digər badmintonçularımızdan Aqil Qəbilov və Murad Şabanzadə isə oğlanların şəxsi yarışında mübarizəni dayandırıb.
Qəbilov 1/32 finalda polşalı Yan Vilczaka 0:2 (6-15,10-15) hesabı ilə uduzub. Şabanzadə isə 1/32 finalda çinli Zhou Xin Yuya 0:2 (3-15, 2-15) hesabı ilə məğlub olub.
İdman.biz
