Sport24.az
Azərbaycan avarçəkənləri Ümummilli Lider Heydər Əliyevin 102-ci ildönümünə həsr olunmuş "Prezident Kuboku-2025" beynəlxalq turnirində daha yeddi medal qazanıblar. Sport24.az xəbər verir ki, yarış Mingəçevir "Kür" Olimpiya Tədris-İdman Mərkəzində başa çatıb.
2009-2010 təvəllüdlü idmançılardan İvan Vorobyanski/Hüseyn Həsənov cütlüyü 200 metr məsafəyə kayak yarışında gümüş, Vacib Babayev/Nuran Rəhimli dueti isə bürünc medal əldə edib.
2011-2012 təvəllüdlülərdən eyni növdə Əziz Əhmədli/Kamal Tağıyev cütlüyü gümüş, Sənan Cəfərzadə/Tahir Mövsumov dueti isə bürünc medala sahib çıxıb.
2006-2007 təvəllüdlülərdən Nurlan Paşayev/Cahangir Məmmədli cütlüyü akademik avarçəkmədə gümüş mükafat qazanıb.
2009-2010 təvəllüdlülərdən Əlimurad Hacızadə kayak növündə 1000 metr məsafəyə yarışda qızıl medalçı olub.
2007/2008 təvəllüdlü avarçəkənlərdən Elvin Əliyev/Niyaz Məlikov cütü kayak yarışında üçüncü yeri tutub.
Qeyd edək ki, daha əvvəl Azərbaycan təmsilçiləri 8 medal (3 gümüş, 5 bürünc) qazanıblar.
