Idman.biz
Albaniyanın paytaxtı Tiranada keçirilən reytinq turnirində 63 kq çəki dərəcəsində Yunan-roma güləşçimiz Ziya Babaşov finalda həmyerlisi Sakit Quliyevlə qarşılaşıb.
Babaşov ilk xal prinsipinə əsasən (1:1) qalib gələrək reytinq turnirində çempion olub. Sakit Quliyev isə gümüş medal qazanıb.
67 kq çəki dərəcəsində güləşən Məhəmməd Şükürzadə isə bürünc medal görüşündə gürcüstanlı Avropa mükafatçısı Coni Xetsurianiyə 1:2 hesabıyla məğlub olub.
19:23
Albaniyanın paytaxtı Tiranada keçirilən reytinq turnirində Yunan-roma güləşçilərimiz döşək üzərinə çıxıblar.
İdman.Biz bildirir ki, 63 kq-da güləşən Murad Məmmədov 1/8 finalda iranlı Ali Nurayiyə 3:8 hesabıyla məğlub olub.
Bu çəkidəki digər güləşçimiz Ziya Babaşov albaniyalı Mikel Tropliniyə (8:0), iranlı Ali Nurayiyə (4:1) və qazaxıstanlı Yernur Fidaxmetova (7:3) qalib gələrək finala yüksəlib.
Eyni çəki dərəcəsində güləşən Sakit Quliyev isə amerikalı İldar Hafizova (9:0), qazaxıstanlı Bakitjan Kabdilə (7:1) və norveçli Morten Toresenə (11:0) qalib gələrək finala yüksəlib.
Bu çəkinin finalında Ziya Babaşov və Sakit Quliyev üz-üzə gələcəklər.
67 kq-da ölkəmizi təmsil edən Məhəmməd Şükürzadə belaruslu Qleb Makarankaya (UWW) ilk xal prinsipinə əsasən (1:1) qalib gəlsə də, 1/4 finalda qazaxıstanlı Meirjan Şermaxanbetə 0:4 hesabıyla məğlub olub. Rəqib finala yüksəldiyi üçün təsəlliverici görüşə çıxan həmyerlimiz ekvadorlu Andres Arroyonu tam üstünlüklə (12:3) yolundan kənarlaşdırıb.
Məhəmməd Şükürzadə bürünc medal uğrunda gürcüstanlı Coni Xetsuriani ilə güləşəcək.
